Soms kan die lewe 'n mens 'n bietjie rond skommel.  Gister het ons by 'n geliefde se graf gestaan en vandag gaan die lewe weer aan, asof niks gebeur het nie.  Soms voel dit vir my so onregverdig.  Ek is besig om 'n boekie te lees oor die verskillende stasies waar ons in ons lewens tot stilstand kom en dan moet ek as mens die keuse maak of ek op die perron gaan bly staan en kyk hoe my trein sonder my vertrek of gaan ek op daardie trein spring en die lewe weer met volmag aanpak?!  Niemand kan daardie keuse vir jou maak nie!!! 

'n Mens kan nie anders as om die lieflike weer te geniet nie! Ons is baie dankbaar vir die goeie reens wat ons die afgelope tyd gehad het, nou voel die wereld skoon gewas en die sonnetjie voel goed op my vel.

Die skoolvakansie loop nou nader na 'n einde en ek wonder wat die kinders doen.  Vanoggend, toe ek by die huis weg is, het hulle my meegedeel dat hulle middagete sal maak en ook bietjie koek gaan bak.  Ek kan nie wag om te sien wat daar op my wag nie.

Na ‘n hele veertien dae se verlof is ek weer terug op kantoor!!!  Die wegbreek was ongelooflik lekker.  Ons was vir nege dae weg en het  6 000km in die 9 dae gery.  Dit klink seker baie erg, maar dit was so lekker om as gesin heeldag op die pad in mekaar se geselskap te wees en niemand kan wegloop nie!  Namibië was pragtig!  En Etosha was ‘n belewenis!  Ons het ‘n paar dae by familie in Walvisbaai gekuier – bloed is verseker dikker as water!  Dit was ‘n fees!  By een van die bekende kettingwinkels waar ons natuurlik na die groente se pryse en kwaliteit gaan kyk het, was daar een enkele blomkool teen R23,99 te koop en ‘n pak met ‘n klein blomkool en klein broccoli was R22,99!  Ongelooflik!  Een enkele blaarslaai het teen R16,99 verkoop!!!!  Dan moet ek dit ook onder julle aandag bring dat die kwaliteit baie swak was, maar dit is te verstane, want al hulle groente kom van ons geliefde Suid-Afrika af.  Mense – ons moet dankbaar wees vir alles wat ons het! 

Dankie aan Lorinda en haar span by Aqua Spa & Skin Clinic, op Jeffreysbaai, vir die lekker bederf waarmee ek en ‘n vriendin die ruskansie kon afsluit.

So met die baie ry en gesels het ek besef hoe baie ek ons gesin afskeep.  Ek het ook besef dat dit nie oor kwantiteit tyd gaan nie, maar kwaliteit tyd!!! 

Gedagte vir die week:  “Onthou dat geluk nie gebaseer is op wat jy besit of bymekaar gemaak het nie, maar eerder op die verhoudings wat jy met die mense in jou lewe opgebou het.”

Julle moet ‘n baie spesiale week beleef en gee maar bietjie ekstra aandag aan die spesiale persone in jul lewens!!! 

Julle sal seker by nou al sê dat die droogte-storie holrug gery is.  Graag wil ek julle egter van ‘n insident vertel wat verlede week gebeur het.  Ons buurman se waterkwota was opgebruik en waterwese het hul krane gaan sluit met ‘n slot.  Dit is regtig wat gebeur, geen besproeiingswater, geen badwater, niks!!!!!  Port Elizabeth en omgewing, kry van dieselfde bron water as die Gamtoosvallei, maar ek het nog nooit gehoor dat van hierdie verbruikers se krane toegedraai word nie, indien julle al van so iets gehoor het, sal ek bly wees as julle vir my die informasie kan gee.  Soos in die geval met ons buurman, maak dit nie saak of jou groente of vrugte plantjies vergaan of nie, daar is net nie water vir jou nie. 

Die woorde in aanhalingstekens, is ‘n uittreksel uit ‘n e-pos wat buurman aan my gestuur het (hy kon water by ‘n ander boer koop, maar sy krane is eers Saterdag oopgemaak en die betaling is reeds Donderdagoggend gedoen en dadelik is daar ‘n bewys van betaling gefaks):
“Soos jy reeds weet is ons krane toegedraai Woensdag 16-02-2011 om streeks 9h30. Die waterbeampte het vir my daai oggend gese dat ek een van nege boere is wat gesluit is.